कलागुण

    आमच्या आश्रमशाळेतील  इयता ५ वी च्या वर्गातील चि. सतीश सुधाकर गोधडे याने वर्गात साध्या वहीच्या पानावर असे छान चित्र रेखाटून ते सुंदर अशा रंगात रंगविले. 

                           
                                                                                  ( मूळ चित्राला फक्त आकर्षक करण्यासाठी border केलेली आहे.)

रक्षाबंधन

दि. २९ ऑगस्ट २०१५ .

           दरवर्षीप्रमाणे आमच्या आश्रमशाळेत रक्षाबंधनाचा  कार्यक्रम साजरा करण्यात आला. या कार्यक्रमात संजीवनी अध्यापक विद्यालयाच्या छात्र  शिक्षकांनी शाळेत येऊन रक्षाबंधनाचा कार्यक्रम साजरा केला. या प्रसंगी छात्र अध्यापकांनी विद्यार्थ्यांना राखी बांधून त्यांना खाऊचे वाटप केले. असा आगळा वेगळा उपक्रम त्यांनी सादर केला. या कार्यक्रमाचे सूत्र संचालन सयुक्तिकरित्या संजीवनी अध्यापक विद्यालयाचे प्राध्यापक श्री. दरांगे सर व आश्रमशाळेचे शिक्षक श्री. शिंदे सर यांनी केले. या कार्यक्रमाप्रसंगी शाळेचे व्यवस्थापक श्री. जोशी सर , मुख्याध्यापिका श्रीम. जोशी ताई, अध्यापक विद्यालयाच्या प्राचार्या  श्रीम. साळुंके तसेच दोन्ही  विद्यालायचे सर्व शिक्षक वृंद व विद्यार्थी उपस्थित होते. कार्यक्रमाचे शेवटी श्रीम. धामणे यांनी सर्व उपस्थितांचे आभार मानले . तसेच सर्वांच्या आग्रहास्तव श्री. दरांगे सर यांनी "या जगण्यावर शतदा प्रेम करावे " व फुलो का तारो का" या गीतांचे आपल्या मधुर आवाजात सादरीकरण करून सर्व सभागृह मंत्रामुघ्ध करून टाकला. 

दि. १५ ऑगस्ट २०१५ रोजी आमच्या आश्रमशाळेत स्वातंत्र्यदिन साजरा करण्यात आला त्याची काही क्षणचित्रे...

इयत्ता १० वी च्या विद्यार्थ्यांचा निरोप समारंभ

         सन २०१४-१५ च्या शैक्षणिक वर्ष-: या वर्षीच्या इयत्ता १०वी च्या विद्यार्थ्यांचा निरोप समारंभाचा कार्यक्रम  दि. २२ फेब्रुवारी रोजी करण्यात आला. या वेळी विद्यार्थ्यांना निरोप देतेवेळी अतिशय भाऊक वातावरण या प्रसंगी झाले होते. शाळेचे व्यवस्थापक श्री. व्ही.डी. जोशी सर यांनी विद्यार्थ्यांना पुढील शिक्षणाबाबत मार्गदर्शन व महत्व पटवून दिले. तसेच शाळेच्या मुख्याध्यापिका श्रीम. जोशी ताई यांनीही विद्यार्थ्यांना मार्गदर्शनपर व उपदेशपर माहिती सांगितली.
         या कार्यक्रमाच्या वेळी विद्यार्थ्यांनी आपली मनोगते सदर केली. त्यात प्रामुख्याने कु. दुर्गा दुटटे, बालिका गायकवाड, रामनाथ आहेर, सोमनाथ माळी यांनी आपल्या विद्यालयातील आठवणी सांगताना त्यांना अश्रू अनावर झाले होते. या कार्यक्रमाच्या प्रसंगी श्री. लंगोटे सर, शिंदे सर यांनीही विद्यार्थ्यांना उद्बोधन केले. 

  इयत्ता १० वी च्या विद्यार्थ्यांसोबत सर्व शिक्षकवृंद

शिवजयंती उत्साहात साजरी

दि. १९ फेब्रुवारी २०१५
   
            सालाबाद प्रमाणे आमच्या शाळेत शिवजयंती उत्साहात साजरी करण्यात आली. या प्रसंगी शाळेच्या मुख्याध्यापिका श्रीम. जोशी व श्री टकले सर यांनी छत्रपती शिवाजी महाराजांच्या प्रतिमेचे पूजन केले. त्यानंतर विद्यार्थ्यांची भाषणे झाली. तसेच इयत्ता  चौथी च्या विद्यार्थ्यानी शिव रायांची गाणी म्हटले व काही कविता सदर केल्या. त्यानंतर श्री शिंदे सर यांनी छत्रपती शिवाजी महाराजांबद्दल थोडक्यात माहिती विद्यार्थ्यांना दिली. श्री लंगोटे सर यांनी शिवरायांच्या एका सच्च्या मावळ्याचे शिवरायांबद्दल असलेले प्रेम आणि निष्टा कशी होती या आशयाची " छाती ठोकून सांगतो जगाला शिवबाचा मावळा" कविता सादर केली.

त्यानंतर अध्यक्षीय भाषण श्री टकले सर यांनी केले.मुख्याध्यापिका श्रीम. जोशी यांनी देखील विद्यार्थ्यांना बहुमोलाची माहिती विद्यार्थ्यांना दिली. या कार्यक्रमाच्या प्रसंगी सर्व विद्यार्थी, सर्व शिक्षक व शाळेतील सर्व कर्मचारी वृंद हजर होते. कार्यक्रमच सांगता " गोब्राम्हण प्रतिपालक क्षत्रिय कुलावतंस सिंहासनाधीश्वर राजाधिराज राजा छत्रपती शिवाजी महाराज कि जय " या जयघोषाने करण्यात आला...जय भवानी जय शिवाजी या जयघोषाने सर्व हॉल दणाणून गेला होता.

संजीवनी यंग युनिअन चा आमच्या आश्रमशाळेत अनोखा उपक्रम

दि. १५ फेब्रुवारी २०१५ (रविवार)
            संजीवनी यंग युनिअन च्या विद्यार्थ्यांनी आमच्या आश्रमशाळेत येउन विद्यार्थ्यांना विविध शैक्षणिक मोफत वाटप केले. इयत्ता ९ वी व १० वी च्या विद्यार्थ्यांना परीक्षेबाबत मार्गदर्शन केले. तसेच तसेच त्यांना गणिताची सूत्रे लक्षात राहावी , गणित अभ्यासणे सोपे जावे यासाठी गणित सूत्र आणि क्लुप्त्या यांची पुस्तके दिली. त्याचप्रमाणे विद्यार्थींना एकतेचे महत्व समजावून देण्यासाठी संगणकाच्या सहाय्याने विवध व्हिडीओज देखील त्यांनी दाखविले. कार्यक्रमाचे शेवटी यंग युनिअन च्या विद्यार्थ्यांनी शिर्डी साईबाबांच्या प्रसादाचे वाटप सर्व विद्यार्थ्यांना केले. या सर्व कार्यक्रमाचा  विद्यार्थ्यांनी भरभरून आनंद घेतला. या प्रसंगी संजीवनी अभियांत्रिकी महाविद्यालयाचे मा. श्री. आगरकर सर, शाळेचे व्यवस्थापक श्री. जोशी सर, मुख्याध्यापिका श्रीम. जोशी एम. व्ही., व सर्व शिक्षक वृंद उपस्थित होते . कार्यक्रमाचे सूत्रसंचालन शाळेचे सांस्कृतिक विभाग प्रमुख श्री. शिंदे सर यांनी केले. सर्व शिक्षकांच्या वतीने  मुख्याध्यापिका श्रीम. जोशी ताई यांनी यंग युनिअन चे आभार मानले. विद्यार्थ्यांच्या वतीने कु. दुर्गा व बालिका गायकवाड यांनी आभार मानले. यंग युनिअन च्या भावी कार्यास शाळेच्या हार्दिक शुभेच्छा.

हिवाळी क्रीडा स्पर्धा २०१४-१५

आमच्या एकलव्य आदिवासी अनु. आश्रमशाळेत दरवर्षीप्रमाणे हिवाळी क्रीडा स्पर्धा घेण्यात आल्या. या स्पर्धा ३ दिवस घेण्यात आल्या. विद्यार्थ्यांनी उत्स्फुर्तपणे यात सहभाग घेतला.  स्पर्धेत १) टायगर २) फायटर ३) लायन ४) वारीयार्स असे चार ग्रुप केलेले होते. या सर्वच स्पर्धांमध्ये फायटर या ग्रुप ने सर्वाधिक गुण मिळवून अव्वल क्रमांक पटकाविला. 

कोपरगाव फेस्टिवल स्पर्धेत आमच्या आश्रमशाळेतील विद्यार्थ्यांनी उत्कृष्ट असे नृत्य सादर केले...